ഇന്നലെ വരെ അടുക്കളയിൽ പാത്രങ്ങളുമായി
സംവേദനകൾ കേട്ടിരുന്നു
ഇന്നിവിടെ ശ്മശാന മൂകതയാണ്
ഇന്നലെ വരെ അവൾ
വാതോരാതെ സംസാരിച്ചിരുന്നു
ഇന്നിവിടം മൗനം തളംകെട്ടി നിൽക്കുന്നു —-
വന്നവരൊക്കെ പറഞ്ഞു ആമുഖത്തിനെന്ത്
തെളിച്ചമാണ്
ശ്വാസം അവസാനിക്കും മുമ്പ്
ചുറ്റിലും തിരഞ്ഞതാരെയെന്ന്
ആർക്കും മനസിലായില്ല
അവസാനമായി ആർക്കെങ്കിലും
കാണണോ ചോദ്യം കേട്ട് ഓടി വന്നവൻ
തുറന്നിരുന്ന കണ്ണ് തിരുമ്മി അടച്ചു….
