യാത്രയിൽ ഒരേ ഒരു കാര്യം ശ്രദ്ധിക്കുക പാത മനോഹരമാണെങ്കിൽ എങ്ങോട്ടാണെന്നു അന്വേഷണം വേണ്ട . ലക്ഷ്യസ്ഥാനം മനോഹരമാണെങ്കിൽ പാതയെക്കുറിച്ച് ആലോചിക്കേണ്ടതുമില്ല മുന്നോട്ട് സഞ്ചരിച്ചു കൊണ്ടേയിരിക്കുക ഇന്നത്തെ യാത്ര തമിഴ് നാട്ടിലെ സാമ്പുവർ വടകരൈ എന്ന സ്ഥലത്തെ സൂര്യകാന്തി പാടങ്ങളെ തേടിയായിരുന്നു .
സൂര്യകാന്തി നിന്റെ കണ്ണിന്റെ തീഷ്ണമാം നോട്ടം സൂര്യനെ പോലെ തിളങ്ങുന്നുവോ🌻
സാമ്പുവർ വടകരേയിലെ സൂര്യകാന്തി പാടം ഏതൊരു വ്യക്തിയെയും വശീകരിക്കുകയും മോഹിപ്പിക്കുകയും ചെയ്യും. പൂക്കളുടെ ആകർഷണത്തിൽ ആരും തന്നെ വീണ് പോകും .നമ്മുടെ കണ്ണിനും മനസ്സിനും ഒരേ പോലെ കുളിർമ നല്കി നിറ ശോഭയിൽ വാക്കുകൾക്കും അതീതവും , വർണ്ണനാതീതവുമായ സൂര്യകാന്തി പൂക്കൾ.
നമ്മുടെ മുഖത്ത് സൂര്യ രശ്മികൾ പതിക്കുമ്പോൾ പതിയെ മുഖം താഴ്ത്തേണ്ട അവസ്ഥ വന്ന സമയവും നിമിഷവും പോലും സൂര്യകാന്തിപ്പൂക്കൾ തലയെടുപ്പോടെ സൂര്യ രശ്മികളെ വരവേൽക്കുന്നത് കാണാം .
മാസങ്ങളായി ഉള്ള കർഷകരുടെ ചുടു വിയർപ്പിന്റെയും , കഠിനാധ്വാനത്തിന്റെയും ഫലമാണ് നമ്മൾ കൺകുളിർക്കേ കാണുന്ന ഈ സൂര്യകാന്തിപ്പാടങ്ങൾ .
നല്ല പോലെ വെള്ളം ലഭിച്ചാൽ സൂര്യകാന്തി പൂവിന്റെ കൃഷി ബുദ്ധിമുട്ട് ഇല്ലാതെ കൊണ്ടുപോകാൻ കഴിയും , പാടത്ത് നിലമുഴുത്ത് വിത്ത് വിതച്ചാൽ ഏകദേശം മൂന്നു മാസംകൊണ്ട് ചെടി നാലടിയോളം ഉയരത്തിലെത്തുമത്ര , അതിന് ശേഷം ചെടിയിൽ മൊട്ടുകൾ വന്ന് തുടങ്ങും.
നാലാമത്തെ മാസം പൂക്കൾ വിടർന്ന് വലുതായി മനോഹരമായ പൂവായി മാറുന്നു . ചെടികൾക്ക് ഇടയിൽ മറ്റു കളകൾ പിടിക്കാതെ നോക്കുകയും പ്രാണികളെ അകറ്റുന്നതിനുള്ള മരുന്നടിയുമാണ് ഇതിനിടയ്ക്കുള്ള വലിയ ജോലികൾ.
പൂക്കൾ ഉണങ്ങിത്തുടങ്ങുന്നതോടെ നെല്ല് കൊയ്യുന്ന യന്ത്രമുപയോഗിച്ച് കൊയ്യ്തു മാറ്റുകയും പൂക്കളുടെ ഇതളുകളും നടുക്കുള്ള വിത്തുകളും വെവ്വേറെയാക്കുകയും ചെയ്യും എന്നാണ് കർഷകരിൽ നിന്ന് മനസ്സിലാക്കാൻ കഴിഞ്ഞത് .
യാത്ര പോകണം എന്ന് തീരുമാനിച്ചാൽ അതിന് വഴി കണ്ടെത്തി മുന്നോട്ട് പോവുക . നല്ല കാറ്റുവീശുന്ന സ്ഥലമായതിനാൽ വൈദ്യുതി ഉത്പാദിപ്പിക്കാൻ നിരവധി കാറ്റാടി യന്ത്രങ്ങൾപ്പാടളിൽ സ്ഥാപിച്ചിരിക്കുന്നതും അവ പ്രവർത്തിക്കുന്നതും കാണാം .
ഈ പൂക്കളുടെയും അത് പോലെ തന്നെ തമിഴ് ഗ്രാമീണ ഭംഗികളെയും മതിയാവോളം ആസ്വദിക്കാൻ നിരവധി സന്ദർശകരാണ് അനുദിനം ഇവിടേക്ക് എത്തിച്ചേരുന്നത്.
പ്രകൃതി മനോഹരമായ കാഴ്ചകള് ഏതൊരു ക്യാമറ പകര്ത്തുന്നതിനേക്കാട്ടിലും എന്റെ കണ്ണുകള് പകര്ത്തി ഹൃദയത്തില് സൂക്ഷിച്ചിരിക്കുന്നു .
അത് പ്രിയപ്പെട്ടവരിലേക്കും എത്തിക്കുന്നു . പ്രതീക്ഷിച്ചതിലും സമയം കടന്നു പോയതറിഞ്ഞില്ല . തിരശ്ശീലയിൽ പതിയെ സൂര്യകാന്തി സുന്ദരികളോട് വിട പറയേണ്ട സമയം അതിക്രമിച്ചിരിക്കുന്നു .
സഞ്ചാരികളെ ദയവായി ശ്രദ്ധിക്കുക 🙏
(സുന്ദരപാണ്ടി പുരത്തും സൂര്യകാന്തി കൃഷിയിടങ്ങളുണ്ട് )
കേരളത്തിൽ നിന്നടക്കം വിനോദ സഞ്ചാരികൾ സൂര്യകാന്തിപ്പാടം കാണാൻ ധാരളമായി എത്തുന്നത് പക്ഷേ പലപ്പോഴും
കർഷകർക്ക് ദുരിതമാണ്. പാടത്തിറങ്ങി ചിത്രം പകർത്തുന്നതിനൊപ്പം പൂവ് പറിക്കുന്നവരും ഇക്കൂട്ടത്തിലുണ്ടാകും .
സൂര്യകാന്തി എണ്ണയ്ക്കുള്ള വിത്തുകൾ പൂവിലായതിനാൽ സഞ്ചാരികളുടെ
പൂവ് പറിക്കൽ കർഷകരെ ചൊടിപ്പിക്കാറുണ്ട്.
അതുകൊണ്ടു തന്നെ കർഷകർ അത് അനുവദിക്കാറുമില്ല.
കഴിഞ്ഞ കുറച്ച് വര്ഷങ്ങളായി ഓഗസ്റ്റ് മാസത്തില് കൊല്ലം, തിരുവനന്തപുരം ജില്ലകളില് നിന്ന് ഓരോ ദിവസവും അതിര്ത്തി കടന്ന് സുന്ദരപാണ്ഡ്യപുരത്തേക്ക് പോകുന്നത് നൂറ് കണക്കിന് വാഹനങ്ങളാണ്.
പൂത്ത് നില്ക്കുന്ന പാടത്ത് പിന്നെ സെല്ഫികളും ഫോട്ടോഷൂട്ടും തകൃതി.
നെഞ്ചില് കാത്തു സൂക്ഷിക്കാന് കൊതിക്കുന്ന മനോഹര നിമിഷങ്ങളുടെ വെളിച്ചവും പകര്ത്തി കാലങ്ങളിലേക്ക് കാത്തുസൂക്ഷിച്ച ഫോട്ടോഗ്രഫി. മനുഷ്യന്റെ നിത്യജീവിതത്തിന്റെ ദൃശ്യങ്ങള് ഓരോനിമിഷവും ക്യാമറാ കണ്ണുകള് ഒപ്പിയെടുക്കുന്നു.
പൂവ് ചൂടി നില്ക്കുമീ ഭൂമി നീ എത്ര സുന്ദരിയാണ് . സുന്ദരപാണ്ഡ്യപുരത്തെ സൂര്യകാന്തി പാടം ഏതൊരു വ്യക്തിയെയും വശീകരിക്കുകയും മോഹിപ്പിക്കുകയും ചെയ്യും. പൂക്കളുടെ ആകർഷണത്തിൽ ആരും തന്നെ വീണ് പോകും .നമ്മുടെ കണ്ണിനും മനസ്സിനും ഒരേ പോലെ കുളിർമ നല്കി നിറ ശോഭയിൽ വാക്കുകൾക്കും അതീതവും , വർണ്ണനാതീതവുമായ സൂര്യകാന്തി പൂക്കൾക്കൊപ്പം.
യാത്രകൾ , എഴുത്ത് , ഫോട്ടോഗ്രഫി , സൗഹൃദം ഇഷ്ടപ്പെടുന്ന ഒരു സാധാരണക്കാരൻ , കൊല്ലക്കാരൻ
